Dil Main Ab Yun Tere Bhoole Huye Gham Aate Hain
Jaise Bichade Hue Kaabe Main Sanam Aate Hain
Ik Ik Kar Ke Hue Jaate Hain Taare Roshan
Meri Manzil Ki Taraf Tere Qadam Aate Hain
Raqs-E-May Tez Karo, Saaz Ki Lay Tez Karo
Su-E-Maikhana Safiraan-E-Haram Aate Hain
Kuch Hami Ko Nahin Ehasaan Uthaane Ka Dimaag
Wo To Jab Aate Hain Maail-Ba-Karam Aate Hain
Aur Kuch Der Na Guzre Shab-E-Furqat Se Kaho
Dil Bhi Kam Dukhta Hai Wo Yaad Bhi Kam Aate Hain
0 comments:
Post a Comment